Sunday, September 6, 2015

O le Meaalofa



I lenei vaiaso e faia le aso o le lalolagi e faailoga 'International Literacy Day.' #worldliteracy

Ua valaau lenei tagata e faitau se tala i le gagana Samoa.

Ua le maua le tamai letio o Lenisi.

Pau lava. Na ou imeli i lou uo e pule aoga i New Lynn ma fesili pe ai ni ana tusi Samoa e mafai na ou faaoga ma faitau mo le fanau i le aso lua o lenei vaiaso.

Na momoli atu lenei tusi.
O le ulu tala o le tusi O le Meaalofa mo Aunty Lise.
Na tusia e Vaitoa Baker
Tusiata e Denise Durkin.

Na ou faataitai i lenei tuuga aoga.

Na ou faia loa lenei ata tifaga e taitai lou faitau tusi i le gagana pele.

Na ou faalogo atu peitai e sese laititi le faaliliuiga i le gagana Samoa.


O upu la lenei na ou pu'e mai i luga o le upegatafaailelagi. E tutusa ma le tusi gagana Samoa na faia e le au 'Tupu.'

O i la ou te faitau le tusi i luma o potu 10.


O Aunty Lise e tele ana ula mai To’elau e faia i figota lapopo’a ma laiti mai le sami.
E mana’o tele La i ula e faia i figota laiti, aua e mananaia.

Na mafaufau loa e fai se ula mo Aunty Lise mai figota mai Niu Sila. Na ia iloa e le’i iai se uka fa’apena a Aunty Lise.
I le taeao o le Aso To’ona’i, ina ua uma le maketi, na ma o ma lo’u tina e taetae figota i le matafaga.

Na maua figota papa’e, samasama, lanumoana, ma lanumeamata, aemaise figota laity e mana’o tele i ai. “E matuafiafia tele Aunty i figota nei”, ‘o le tala lea a Tina. I
na ‘ua ‘uma le mea’ai o le afiafi, na fesoasoani Tina ‘ia La e su’i le’ula mai figota na la aoaoa fa’atasi.

‘Ua ‘uma ona su’i ula ona afifi lea i pepa vaivai, ua sauni loa e ave mo le aso fanau o Aunty Lise.
Na uma loa le lotu i le Aso Sa, matou o loa i le fale o Aunty Lise e fa’amanatu lona aso fanau.

Na fa’a’ula muamua e La Aunty Lise ina ua o’o i le taimi e ave ai meaalofa. Na ia tatala le pepa vaivai mai ia tu’u loa le ula i le ulu o Aunty Lise. Ou te iloa e tele ula mai To’elau, ae o le ula lenei mai Niu Sila, na ou faia fa’apitoa mo oe.

Na fusi e Aunty Lise La, ma fai atu i ai, Fa’afetai, La, “Fa’afetai, La. E ese le mania! Toeititi a pei o oe le manaia”.

Tau mai ni finagalo.